نكت جزائرية تووووووب

- قالك مرة قرعة كوكا وقرعة بيبسي دخلو للحمام ايا
دخلت عليهم قرعة شراب ايا قالت الكوكا للبيبسي : نوضي نروحو راها جات اللي
ما تسواش .
كاين جماعة كانو في وسط الغابة يصطادو في "الحشرات"
وكان معاهم واحد حاصل في روحو " هزييييل "
خرج فيهم اسد
الجماعة كل هربو الا الحاصل في روحو حكمو الاسد
شاف فيه شوي
وقالو : حاشه نعمت ربي

قالك واحد دخل عند فرماسيان وقاله عندك دونتيفريس اديداس

ردعليه الفرماسيان وقاله ىشحال لابوانتير نتاع فمك

شاب مشى لمحل حلاقة و سأل الحلاق : قداش لازمك وقت باش يجي دوري
اخزر الحلاق للكلييو و قلو ساعتين
روح الشاب و بعد نهارين رجع و سأل الحلاق : قداش لازمك وقت باش يجي دوري؟
اخزر الحلاق و قالو تلات ساعات .
روح الشاب .
و بعد اسبوع رجع نفس الشاب و سأل الحلاق: قداش لازمك وقت باش يجي دوري .
اتلفت الحلاق للكلييو و قالو ساعة ونص .
روح الشاب
شاف الحلاق في صاحبو و قالو : دير فيا مزيا الحقوا شوفو وين يمشي
لأنه كل مرة يسأل وقتاش يجي دوري و يروح و ما يرجعش؟
و بعد وقت رجع صاحبو للمحل يضحك بطريقة هستيرية .
سألو الحلاق و ين طلع يمشي ؟
قالو لدارك
قالك هذا واحد مزطول..
شرا كيلو سردين دارو في جورنال..
.
في نص الطريق تقطعلو الجورنال..
شاف فالجورنال مليح وقالو..
قنطار تاع تقرعيج ترفدو..
وكيلو تاع سردين جاك ثقيل؟!

مزطول صاحبو مات وحب يقول لخبر لمرت صاحبو بلا ما يخلعها..
قالها..
.
راجلك خسر كامل دراهمو فالقمار..
قالت: الله يضيع عمرو..
قالها: وباع الدار..
قالت: الله ياخذ عمرو..
قالها: واتزوج عليك..
قالت: يا ربي يدخلوه عليا ميّت..
قال لصحابو : ايا جيبوه يا جماعة
قالك كاين واحد الكار حبسوه واحد جماعة ولي يلقاو اسمو ماش مليح يقتلوه ملا سقساو الاول واش اسمك قالهم العكري قتلوه وبقاوا يقتلو حتى وصولو عند عجوزة قالولها واش اسمك قاتلهم عيشة كانوا راح يقتلوها مباعد قالهم واحد منهم متقتلوهاش على وجه يمى اسمها حتى هي عيشة مالا مقتلوهاش زيد كملو مشاو لقاو واحد قالولو واش اسمك قالهم اسمي حسان و يعيطولي عيشة
قالك مرة الاسد دار عزيمة .وليمة. وعرض كامل الحيوانات مالا حمار كان رايح لقة التمساح في الطريق قالوا هيا تروح قالوا الاسد معرضنيش قالوا هيا برك ذك ندخلك مالا هو دخل الحيوانات كامل بقاة تشوف معاه قالهم واش جامي شفتوا واحد لابس لكوست
واحد فنيان يخدم في حانوت تاع الدجاج (يبيع الدجاج حي) جات عندو وحدة و قالتلو “شوفلي دجاجة فيها 2كيلو”. ايا شاف مليح فالدجاج وقال”اللي فيها 2كيلو تنوض
واحد قال ليماه بغيت نتزوج بوحدة بيضة وطويلة وخدامة …قالتلو شوف كاش فريجيدار
-زوج محششين تخاطرو : الاول نحن في الليل
الثاني نحن في الصباح
ثم سألوا محشش آخر : نحن في الليل او الصباح فقالهم منسكنش هنا.
خطرة الفيل كان داير حفلة دعا كل الحيونات والنملة ايضا
كل المدعوين دخلو لعندو غير النملة كي سقساها اي عندما سالها لماذا لم تدخلي
قاتلو : كنت ندق بصح حتى واحد ما فتحلي الباب
قالها الفيل: كنت تدخلي من تحت الباب
قاتلو : حبيتني نخسر لا كوب نتاعي

قالك هذي واحدة رقيقة بزاف..

كي تزوجت غلفوها بالجرنان (الجريدة) باش ما تبانش..



العريس بدا يفتح بالورقة ويزيد يفتح ومبعدة قال ليماه:

يما.. العروسة واش من باجة راهي